Ауданымыздағы іргелі де қасиетті білім ордасының қадірлі мұғалімдері мен оқушылары, құрметті ата-аналар!
Жыл құсындай жылда қайталанып келіп тұратын дәстүрлі «Соңғы қоңырау» мерекесі құтты болсын!
2019-2020 оқу жылында 21 орта мектеп, 2 негізгі мектеп және 1 бастауыш мектепте 986 мұғалім дәріс беріп, оқу жылын 5940 оқушы аяқтады.
Ұлттық бірыңғай тестілеуге 315 мектеп бітірушінің 250-і, яғни 79,3 пайызы қатысқалы отыр.
Аудан бойынша биылғы оқу жылында 9 оқушы «Алтын белгі» төсбелгісіне, 17 оқушы үздік аттестатқа ұсынылып отыр.
Түлектер өздерінің он бір жыл білім алған алтын ұяларымен қоштасса, ұстаздар өздерінің сүйікті шәкірттерін өмірге қанаттандырады. Барша жас түлектерді алда үлкен сын күтіп тұр.
Сынақтан сүрінбей өтіп, көздеген мақсаттарыңызға жетіңіздер!
Барлықтарыңа қорытынды аттестаттау мен ұлттық бірыңғай тестілеуден абыроймен өтіп, Қазақстанымыздың білікті маманы атануларыңа тілектеспін!
Құрметті түлектер, алдағы уақытта тек жақсы жетістіктеріңмен, жоғарғы көрсеткіштеріңмен қуанта беріңдер.Үлкен өмір жолына бастар қадамдарың сәтті болсын! Бәріңе ақ жол тілеймін!
Мектеп ұжымы Сіздерге шығармашылық ізденістер тілей отырып, еңбектеріңіз жемісті болсын дейміз!
Ж.Жазықбаев
