Ұлттық бірыңғай тестілеу (ҰБТ) – жоғары және (немесе) жоғары оқу орнынан кейінгі білім беру ұйымдарына түсуге арналған іріктеу емтихандарының бір нысаны.
Ұлттық бірыңғай тест -талапкерлердің жоғары оқу орындарына түсу және мемлекеттің грантты бөлу үшін жүргізіледі. Бұл 20-шы маусым мен 5-ші шілде аралығында Ұлттық тестілеу орталығындағы пунктте өткізіледі.

Түлектер мен талапкерлер тестілеуге testcenter.kz сайтында дайындала алады.

ҰБТ өткізу тәртібі

Былтырдан бері ҰБТ өткізу тәртібіне өзгерістер енгізілді. ҰБТ жылына 4 рет өткізіледі, яғни қаңтар, наурыз , тамыз айларында ақылы түрде, маусым айында грантқа ие болу үшін.

ҰБТ келесі мерзімдерде:

1) күнтізбелік жылғы 15 және 20 қаңтар аралығында;

2) күнтізбелік жылғы 24 және 29 наурыз аралығында;

3) күнтізбелік жылғы 20 маусым бен 5 шілде аралығында;

4) күнтізбелік жылғы 17 және 20 тамыз аралығында өткізіледі.

ҰБТ тапсыру үшін міндетті пәндер:

1) Оқу сауаттылығы

2) Математикалық сауаттылық

3) Қазақстан тарихы

Бұл үш пән бойынша тест тапсырмалары 20 сұрақтан болады. Екі бейіндік пәннен 30 сұрақтан жалпы 60 сұрақ беріледі. Бейіндік пәннің әр пәні бойынша 20 тапсырма бойынша бес жауап нұсқасынан бір дұрыс жауапты таңдау, 10 тапсырма бойынша бірнеше жауап нұсқасынан бір немесе бірнеше дұрыс жауапты таңдау.

Бұл пәндер оқушының таңдаған мамандықтарына байланысты таңдалады

Шығармашылық мамандықтарды таңдағандар ҰБТ-да келесі пәндерді тапсыра алады:

екі пән (оқу сауаттылығы, Қазақстан тарихы);
бес пән (оқу сауаттылығы, Қазақстан тарихы, математикалық сауаттылық және таңдауы бойынша екі пән).

Осы тесттер нәтижесінде оқушы жоғары оқу орнына түсе алады. Ұлттық тесттің жалпы балы 140 балл. Шекті деңгей – 50 балл.ҰБТ-ға 3 сағат 50 минут беріледі.

Қазақстан Республикасы Білім және ғылым вице-министрі М.Дәуленов Қазақстан Республикасы Білім және ғылым министрлігі ұлттық бірыңғай тестілеу (бұдан әрі-ҰБТ) өткізу барысында тестіленушілердің ұялы байланыс құралдарын алып кіруінің кең өріс алуына байланысты және оған тыйым салу мақсатында ҰБТ өткізу пункттерінің ғимаратына кіреберісте металліздегіш құралды қолдану арқылы тестілеуге тыйым салынған заты табылған тестіленушінің ҰБТ-ға кіргізілмейтіндігін және актпен ғимараттан шығарылатындығын қатаң ескертті.

Сонымен қатар биылғы ҰБТ-де комиссия құрамына арнаулы мониторингтік топ мүшелері де қатысады.

Қаңтар айында ҰБТ Шу қаласында өтіп, оған аудан бойынша 216 оқушы қатысты.ҰБТ өткізу пункттің ғимаратына кіреберісте металліздегіш құралды қолдану арқылы тестілеуге тыйым салынған заты табылғаны үшін аудан бойынша 3 мектептің оқушысы тестке кіргізілмегені белгілі.Сол себепті мектеп басшылары ҰБТ-ге дайындық сапасын жақсарту бағытында нақты жұмыстар жүргізіп,мектеп бітірушілерді психологиялық тұрғыдан дайындау қажет.

Білім бөлімінің басшысы Ж.Жазықбаев